Dje pasdite Kryeministri Berisha peruroi perfundimin e rikonstruksionit e rruges Fushe Milot-Gurrez, ne rrethin e Kurbinit, investim me vlere 100 milion leke i Qeverise Shqiptare, Bankes se Keshillit te Europes per Zhvillim (CEB), I cili eshte implemetuar nga Fondi Shqiptar I Zhvillimit (FSHZH).

Ne fjalen e tij pershendetese me kete rast, Kryeministri u shpreh se:
- "Kam kenaqesine qe ndaj me ju gezimin e inaugurimit te rikonstruksionit te rruges Fushe Milot-Gurrez dhe vazhdimin e saj, nje investim prej rreth 1 milion dollare per te ndryshuar infrastrukturen tuaj. Nje investim qe ju, njerezit punetore te Gurrezit, te Fushe Milotit, e meritoni plotesisht me te gjithe perkushtimin tuaj te madh per punen, familjen, vendin".

Gjatesia e ketij segmenti rrugor te rikonstruktuar ne total eshte 7.2 km dhe gjeresia e rruges varion nga 4 deri ne 5 m. Punimet e ketij aksi rrugor jane kryer sipas standarteve e parametrave europiane. Gjate kohes se punimeve, eshte bere dhe sistemim i kanalizimeve te ujrave te bardha te kesaj zone.
Jane rreth 5000 banore te cilet perfitojne drejtepersedrejti nga ky investim duke ulur ndjeshem kohen e transportit, rritur aksesin kundrejt sherbimeve baze, rritur afersine me tregjet rajonale etj.

Ne kuader te ketij projekti, Fondi Shqiptar i Zhvillimit, se bashku me Qeverisjen lokale, kane hartuar per Komunen Fushe-Kuqe, Planin e Zhvillimit Lokal, i cili eshte i orientuar sipas resurseve te kesaj komune.

Ky projekt eshte pjese e Programit "Punet ne Komunitet III" i cili ka si donator CEB dhe ka si qellim permiresimin e cilesise se jeteses se popullsise rurale te vendit nepermjet investimeve ne infrastrukture, hartimit te planeve te zhvillimit lokal te komunave te cilat kane potenciale te zhvillimit ekonomik, vecanerisht ne turizem.