Sot, ne zyrat qendrore te Fondit Shqiptar te Zhvillimit u firmos kontrata e punimeve per rikonstruksionin e rruges "Ura e Gorrices - Mbreshtan". Kontrata u firmos per Fondin Shqiptar nga Drejtori Ekzekutiv z. Benet Beci, dhe per firmen Salillari u firmos nga presidenti i kesaj firme z. Pellumb Salillari.

Punimet per ndertimin e rruges kapin vleren prej 205,905,360 lekesh, dhe do te fillojne ne muajin Qershor. Rikonstruksioni i kesaj rruge eshte pjese e programit te "Permiresimit te Rrugeve Dytesore dhe Lokale", dhe financohet nga Banka Boterore, Fondi i OPEC per Zhvillim Nderkombetar, dhe Qeveria Shqiptare. Realizimi i punimeve pritet te perfundoje brenda nje periudhe 8 mujore.

Te dhena te pergjithshme.

Rruga ka nje gjatesi prej 7.7 km, dhe shtrihet nga Ura e Gorrices ne Mbreshtan. Kjo nyje e rendesishme rrugore lidh me njera - tjetren Komunen e Velabishtit me ate te Sinjes.

Rruga do te jete e asfaltuar, me parametra cilesore dhe ne 2 kilometrat e para do te kete nje gjeresi asfalti prej 7 m, ndersa ne pjesen tjeter nje gjeresi prej 4.75 m. Nga ndertimi i rruges perfitojne drejtperdrejt banoret e te dy Komunave me nje numer prej 16 000 perfituesish. Nepermjet ketij investimi te rendesishem, pritet te pergjysmohet koha e pershkimit te rruges, duke lehtesuar keshtu sherbimin e transportit per komunitetet perfituese, dhe cilesine ketij sherbimi. Njekohesisht ky investim do te rrise ndjeshem aksesin kundrejt sherbimeve dhe aktiviteteve ekonomike, tregjeve rajonale, dhe qendrave urbane, duke ndikuar ne uljen e varferise dhe rritjen e zhvillimit social - ekonomik te komuniteteve perfituese.

Gjendja fizike e kesaj rruge ka qene tejet e amortizuar, dhe kalimi I mjeteve behej me veshtiresi, gjate gjithe vitit, por vecanerisht ne periudhen e dimrit, duke veshtiresuar keshtu situaten e sherbimit te transportit rrugor per banoret e zonave ku kalon rruga.